TROJANI

TROJANI

vel troici Ludi, sive Troiae ludus, ab Ascanio Aeneae filio originem traxêre, Virg. l. 5. Aen. inde ad Romnos consuetudine delatâ. Celebrabantur in Circo a pueris maioribus et minoribus, turmatim congredientibus: quibus qui praesidebat, Iuventutis dicebatur Princeps atque ex numero filiorum primi nominis Senatorum Augustorumque eligebatur. Sueton. in Caes. c. 39. Troiam lusit, turma duplex, maiorum minorumque puerorum. Idem in Aug. c. 43. Sed et Troiaeludum edidit frequentissime etc. In quo ludicro C. Nonium Asprenatem lapsu debilitatum, aureô torque donatit, passusque est ipsum posterosque Torquati ferre cognomen. Idem in Tib. c. 6. Praesedit et Actiacis ludis et Troianis Circensibus, ductor turmae puerorum maiorum. Dio quoque, l. 43. de ludis Caesaris agens: Etiam Troia, inquit, antiquô more Patritiorum filii luserunt: iuvenesque, qui dignitate aequales erant, curribus certaverunt. Plura de his vide apud Wolphg. Lazium, Comm. Reip. Rom. l. 10. c. 2. Thom. Dempster. Antiq. Rom. l. 5. c. 25. Alios. Addo, quod in eo Equites tantum, sine bigis, et absque quadrigis concertâsse certum. Namque apud Virgilium, l. 5. Aen. v. 545. et seqq. ubi certamen hoc prolixe describitur, dicuntur pueri in equis frenatis lusisse, portari equis, invecti equis, videri in equis: Et bigarum quadrigarumque ludus Romae, multo post Ascanii tempus, incepit haberi. Quod notat Licetus, propter Virum doctum, qui ludum, Troiae nomine donatum, ait quadrigis olim celebrari consuevisse. Nec favent ei Dionis de Caesare verba, l. 43. Etiam Troiam, antiquô more Patriciorum filii luserunt: Iuvenesque qui digmtate aequales erant, curribus certaverunt. Et l. 48. ubi de agrippa: Praeturam tum gerens, ac praecipuus amicus Caesaris splendide omnia agebat, ludosque inter cetera equestres biduô praebebat et Troiam vocatum ludum per nobiles pueros magnifice exercebat. Iterum, l. 51. Porro in sacrarii consecratione ludi omnis generis sacti sunt Patriciique pueri Troiam luserunt: Virique simili ratione, equis celreribus, bigisque et quadrigis certaverunt. etc. Haec enim omnia qui recte perpenderit, com periet Troiam fuisse Ludum a pueris Equitibus actum; at ex curribus bigarum quadrigarum ve diversô ludi genere, certâsse Iuvenes et viros maturiores. Quos ludos prion ut distinctos etiam retulit in Caesare Sueton. c. 39. Quadrigas bigasque et equos desultorios agitaverunt nobilissimi Iuvenes: Troiam lusit turma duplex maiorum minorumque puerorum. Vide Fortun. Licetum, Schem. Annular. Gemm. 41. c. 130.